Oriana Fallaci

Oriana Fallaci (Firense, 29 de zugno 1929 – Firense, 15 de setenbre 2006) ła xe stà na scritora e giornałista itałiana. Da butełeta ła ga fato ła partigiana in tel movimento de Giustizia e Libertà e dopo ła ga vù na longa cariera come giornalista, durante ła quałe ła ga intervistà alcuni dei personagi pì inportanti del Novesento, cofà Henry Kissinger, l'Ayatollah Khomeini, Willy Brandt, Muammar Gheddafi e Yasser Arafat, e ła xe łaorà cofà inviata speçiał in Vietnam, USA, Mèsico, Medio Oriente e Mèrica del Sud. Alcune de ste interviste łe xe sta mese insieme 'ntel libro Intervista con la storia (1974).

Tra i altri libri famosi de la Fallaci ghe xe Niente e così sia (1969), che el xe un reportage da la guera del Vietnam, un longo diario de guera rivando fin a la rivolta dei studenti de Cità del Mesico, par risponder a la domanda de na butina: "La vita, cos'è?". Del 1979 xe Lettera a un bambino mai nato, el primo grando sucesso de la scritrice toscana, bestseller in tuto el mondo. La Fallaci la imagina de parlar col butin che la porta in grembo, domandandose se sia giusto o no darghe la vita. El libro el ga venduo 2 milioni de copie in Italia e 2 milioni e mezo a l'estero (tradoto in 22 version). Dopo ghe xe Un Uomo, dedicà al suo conpagno Alekos Panagulis, eroe de la lotta contro la ditatura dei colonei in Grecia, morto in circostanze mia tanto ciare. Insciallah (1990) el xe anbientà in Libano ai tenpi de la guera zivil e del primo intervento de l'ONU (col quale xera presente anca una forza italiana, protagonista de la storia) par fermar l'ondata de odio fondamentalista che ga investìo la region dopo che xe rivà l'OLP de Arafat con migliaia de profughi arabi da la Palestina. Dopo de sto romanzo la Fallaci la sa ritirà ne la so casa de New York, isolandose da la vita publica fino al 2001, quando dopo i atentati de l'11 setenbre la ga scrito un longo articolo sul Corriere della Sera dove la ga condanà senza mezi termini tuto l'estremismo e el fanatismo religioso nati da l'Islam; da sto articolo la ga tratto el libro La rabbia e l'orgoglio che xe deentà subito un bestseller, vendendo do milioni de copie in Italia e nel mondo nonostante le tante critiche e polemiche che xe vegnù fora.

Libri |

• 
  I sette peccati di Hollywood, 1958


• 
  Il sesso inutile, 1961


• 
  Penelope alla guerra, 1962


• 
  Gli antipatici, 1963


• 
  Se il sole muore, 1965


• 
  Niente e così sia, 1969. ISBN 88-17-15012-6
  


• 
  Quel giorno sulla luna, 1970


• 
  Intervista con la storia, Rizzoli 1974. ISBN 88-17-15378-8
  


• 
  Lettera a un bambino mai nato, Rizzoli 1975. ISBN 88-17-15010-X
  


• 
  Un uomo, Rizzoli 1979. ISBN 88-17-15377-X
  


• 
  Insciallah, Rizzoli 1990. ISBN 88-17-85374-7
  


• 
  La rabbia e l'orgoglio, Rizzoli 2001. ISBN 88-17-86983-X
  


• 
  La forza della ragione, Rizzoli 2004. ISBN 88-17-00296-8
  


• 
  Oriana Fallaci intervista Oriana Fallaci, Rizzoli 2004


• 
  Oriana Fallaci intervista sé stessa - L'Apocalisse, Rizzoli 2005. ISBN 88-17-00684-X
  

Articoli |

• (IT) La rabbia e l'orgoglio Corriere della sera 29 setenbre 2001
  


• (IT) Fiorentini, esprimiamo il nostro sdegno Corriere della sera 6 novembre 2002
  


• (IT) Il nemico che trattiamo da amico Corriere della sera 16 lujo 2005